Contoh Pidato Jawa, Sarasehan Jawi

Nama              : Faesal Imadudin

No. Absen      : 06

Mapel              : Bahasa Jawa

Assalamu’alaikum Wr. Wb.

            Konco-konco sekalian ingkang kula tresnani.

Puja lan puji syukur kita panjatke marang Gusti Allah SWT ingkang sampun maringi rahmat lan hidayahe kengge kita sekalian. Sahinggo kita saged makempal ing papan menika.

Matur nuwun kangge konco-konco seng mpun hadir.

Sampun saka biyen sedekah bumi dilaksanakake ing Jawa minangka sarana dedonga lan syukur marang Gusti Allah SWT. Kejaba minangka sarana dedonga lan syukur, sedekah bumi bisa kanggo sarana sosialisasi lan kerukukan tumrap masyarakat kabeh.

Jaman biyen sing arane sedekah bumi niku enten teng setiap daerah ing pulau jawa. Ananging, saben daerah wektune bisa beda-beda sanadyan tujuane padha. Biasane teng acara sedekah bumi niku enten tumpeng kaleh ayam panggang kangge sesembahan, hidangan liyane kados sayur-sayuran,tempe oreg niku paling tambahan sanes sing utama. Sakdherenge dinikmati sareng-sareng tumpeng/sesajie dibekto reng kantor kelurahan kangge didongani sesepuh, neg sampun didongani nembe angsal dinikmati sareng-sareng.  Biasane para petani jaman biyen nyisakke tumpeng/sesajie kangge diletakke teng pojok sawah nopo kebune. Tujuane ben sawah/kebune apik lan saged maringi rejeki kangge para petani.

Tinapi sakniki tradisi sedekah bumi ing tanah jawi mpun jarang ditemukke. Ing jaman globalisasi kados sakniki masyarakat luwih milih tradisine bangsa barat, tradisine dhewe malah ditinggalke. Masyarakat sakniki niku kados niku, mboten mikiri tradisi daerahe dhewe.

Dhewe generasi muda haruse saged nglestarikke tradisi ingkang mpun jarang. Ayo generasi muda bangsa lestarikke tradisi/budaya jawa.

Cekap sementen hatur kula, mbok menawi enten kalepatan-kalepatan kula nyuwun panngapunten segede-gedene. Matur nuwun kangge perhatiane konco-konco sedoyo.

Wassalamu’alaikum Wr. Wb.

 

Nama  : M. Wildan Akifin

Kelas   : XI Bahasa

No.      : 13

KEBUDAYAAN JAWA

SEKATEN

Sekaten utawa upacara Sekaten (saking tembung Syahadatain utawa kalih tembung syahadat) inggih menika acara mengeti ambal warsanipun Nabi Muhammad s.a.w. sing diwontenaken ing saben tanggal 5 sasi Jawa Mulud (Rabiul awal tahun Hijrah) ing alun-alun lor Surakarta lan Yogyakarta. Upacara meniki kala biyen diwontenaken kalih Sultan Hamengkubuwana I, pandiri keraton Yogyakarta kangge ngundang masyarakat mlebet agami Islam.

Ing hari sapisan, upacara diwiwiti ing dinten dalu kalih iring-iringan abdi Dalem (punggawa kraton) sami-sami diiringi kalih set gamelan Jawa: Kyai Nogowilogo lan Kyai Gunturmadu. Iring-iringan meniki kawiwitan saking pendopo Ponconiti tekan masjid Agung ing alun-alun lor dikawal kalih prajurit Kraton. Kyai Nogowilogo badhe manggoni sisih lor saking masjid Agung, sementara iku Kyai Gunturmadu badhe manggoni ing Pagongan sisih kidul masjid. Kalih set gamelan iku badhe dimainke sesarengan nganti tanggal 11 wulan Mulud suwine 7 dinten katurut-turut. Ing dalu dinten keri dewe, kalih gamelan niki badhe dibeta wangsul ing Kraton.

Grebeg Muludan

Acara pucuk Sekaten iku ditandai Grebeg Muludan sing diwontenaken ing tanggal 12 (persis ing dinten ambal warsanipun Nabi Muhammad s.a.w.) wiwit jam 8:00 esuk. Dikawal kalih 10 macam (bregodo/kompi) prajurit Kraton: Wirobrojo, Daeng, Patangpuluh, Jogokaryo, Prawirotomo, Nyutro, Ketanggung, Mantrijero, Surokarso, dan Bugis, setunggal Gunungan sing kadamel saking beras ketan, maeman dan buah-buahan sarta sayur-sayuan sing dibeta saking istana Kemandungan nglewati Sitihinggil lan Pagelaran nuju masjid Agung. saksampune didongani Gunungan sing nglambangke kasejahteraan kerajaan Mataram iku dibagi neng masyarakat sing nganggep anggene bagian saking Gunungan iku badhe betha berkah kangge tyangipun. Bagian Gunungan yang dianggep sakral iku badhe dibetha wangsul lan ditandur ing sawah/ladang supados sawahipun dados subur lan bebas saking bencana dan malapetaka.

Tumplak Wajik

Kalih dinten sakderengipun acara Grebeg Muludan, satunggalipun upacara Tumplak Wajik diwontenaken ing halaman istana Magangan jam 16:00 sonten. Upacarane nggih menika kotekan utawa dolanan lagu ngagem kentongan, lumpang kangge numbuk pari, lan enggalipun sing nandai wiwite saking pandamelan Gunungan sing badhe diarak wonten ing acara Grebeg Muludan mangke. Lagu-lagu sing diunekke ing acara Tumplak Wajik inggih meniku lagu Jawa populer kayata: Lompong Keli, Tundhung Setan, Owal awil, utawa lagu-lagu rakyat sanesipun..

Nama  :  Galang Setianto

Kelas   :  XI BAHASA

Absen  :  07

SEDEKAH BUMI

Assalamu’alaikum Wr. Wb.

Ingkan kapisan, sumangga kita aturaken puja lan puji syukur dumateng gusti ingkang maha agung, ingkang sampun maringi rahmat sarta hidayahipun saengga kita sedaya saget makempal ing mriki  ngantos sehat wal afiat, amin...

Salajengipun sholawat sarta salam sumangga kita haturaken kangge Baginda Nabi Muhammad SAW ingkang kita entosi syafaatnya ing kiamat kelak, amin..

Ing kasempatan menika kula badhe mbikak bab budaya jawi, yaiku Sedekah Bumi.

Sedhekah Bumi punika sami kaliyan sedhekah laut minangka wujud raos puji panuwun kagem Gusti ingkang Maha Agung ingkang sampun maringi kamurahan rejeki lan gesang ingkang mulya. Sedhekah bumi biasanipun dipunwontenaken sasampunipun panèn wonten satunggaling désa.

Désa-désa ingkang biasanipun ngawontenaken sedhekah bumi punika désa-désa wonten ing Kabupaten Pekalongan lan kabupaten liya. Kabupatèn Pekalongan punika salah satunggaling kabupatèn ingkang wonten Jawi Tengah.

Wonten ubarampe ingkang kedah dipunsiapaken kanggé bancaan, kadosta jajan pasar, pasung, dumbeg, tumpeng jajan pasar lan sanesipun. Saksampunipun siap, ubarampé punika dipunbekta lan dipunkempalaken dados satunggal wonten panggénan ingkang biasanipun dipun anggep panggènan ingkang dados cikal bakal désa punika. Saksampunipun dipundongani ubarampé utawi bancaan ingkang kathah wau dados rebutan warga désa ingkang wonten papan panggènan bancaan sedhekah bumi punika.

Tinapi sak niki kabudayan menika kadosipun sampun ditilaraken ing daerah liyanipun, padahal kawiyatan menika budaya jawa ingkang kudu dilestariken kanggge lare lan putu. Kita sedaya generasi mudha kudu nglestantunaken kabudayan menika supados budaya lan karakteripun wong jawi mboten ical karana era modern ingkang sampun ngrebut budaya jawi lan neluraken budaya asing ingkang ideologinipun sampun benten kaleh ideologinipun Indonesia khususipun Jawi Tengah.

Cekap sak menten saking kula, menawi wonten kalepetan kula nyuwun agungipun samudra pangaksami. Matur nuwun..

Wassalamu’alaikum Wr. Wb.